21-6-2025 مش مجرّد تاريخ جديد في رزنامة الإفريقي…
هو لحظة فاصلة بين الماضي المظلم والمستقبل اللي نحلمو بيه،
بين ناس دمّرت النادي، وناس تحب تبنيه على أسس صحيحة.
اليوم، قدّام جماهير الإفريقي فرصة تاريخية باش تقول كلمتها،
فرصة باش تقطع مع التهريج، مع الرداءة، مع السمسرة،
وتبني جمعية تحترم تاريخها، جمهورها، وألوانها!
✅ يوم الحساب... مش يوم العواطف!
اليوم ماعادش ينفع الكلام الفارغ ولا الوعود الكذابة،
اليوم لازم نختار بالكفاءة، بالمشروع، بالجرأة.
مش بالمشاعر، ولا بالـ"ولد الجمعية"، ولا بـ"نعرفو".
لازم نقول بصوت واحد:
يا نرجعوا للنخبة، يا نكملوا ندفنوا في النادي!
⚠️ الوعي سلاحنا الوحيد
الناس اللي دمّرت الإفريقي قاعدة تحضّر روحها ترجع،
بنفس الديسكور، بنفس الأساليب، وبنفس الوجوه...
🔁 “القانون الإقصائي”
🔁 “النادي ملك خاص”
🔁 “المستثمر غامض”
🔁 “لازم انتخابات سريعة”
لكن الذاكرة ما تنسايش… والوعي أقوى من الكذب!
💬 رسالتنا واضحة:
نحب كفاءات ما تخدم كان للإفريقي
نحب إدارة شفافة محترفة
نحب ناس تحترم جمهورها وفلوسها
نحب نادي يرجع للواجهة، مش مسرح للسماسرة
21 جوان مش نهار عادي،
راهو نهار قرار، نهار إنقاذ، أو نهار النهاية...
Comments
Post a Comment